Cadeira ovo. Arne Jacobsen | Borja López Cotelo

5.0
01
SAS Hotel Lobby, Arne Jacobsen
SAS Hotel Lobby, Arne Jacobsen

Ao cruzar a porta do hotel Radisson SAS, na bulliciosa avenida Vesterbrogade, algo estraño ocorre. O tempo parece suspendido. Alén da rúa, o Tívoli enfróntase co seu onírica exhuberancia á estrita xeometría que Arne Jacobsen debuxou para a súa torre no Centro de Copenhague

Pero no vestíbulo do Radisson, todo parece responder a un universo de formas puras, de liñas rectas. Ata que ao fondo distinguimos, agrupadas en acios, unhas figuras ovoides: alí atópanse varios exemplares da cadeira ovo.

Silla huevo. Arne Jacobsen Borja López Cotelo egg_medidas

O deseñador noruegués Henry Walter Klein patentara ao longo da década de 1950 diferentes procesos de moldeado de plástico e en 1956 fabricara a súa cadeira Modelo 1007.

Jacobsen asumiu na súa cadeira ovo os avances que as investigacións de Klein supuxeran na fabricación de mobles, e fixouse no Modelo 1007 para dar forma á cadeira que poboaría o enorme vestíbulo do Hotel SAS.

Como noutras ocasións, a manufactura do deseño sería confiada a Fritz Hansen, empresa que houbo de utilizar baixo licencia algunhas das patentes de Henry W. Klein.

A cadeira ovo espremía as posibilidades esculturales dos novos procesos de moldeado do plástico pero conseguía, ante todo, unir nun todo coherente as diferentes pezas de calquera cadeira:

o asento, o respaldo e os reposabrazos resolvíanse cunha única carcasa cóncava.

Para optimizar as posibilidades do modelo, a fixación ao chan resolveuse cun mecanismo metálico que permitía un leve abalo da cadeira, e engadíuselle un coxín que facía máis cómodo o asento. A forma resultante parecía unha invitación para sentar, case unha estancia antes que unha cadeira, un obxecto envolvente destinado inevitablemente a albergar a alguén no seu interior.

A produción da ovo nunca foi masiva. A fixación do recubrimento á estrutura debía ser feita manualmente e o proceso esixía unha precisión que non estaba ao alcance de calquera empresa. Á marxe dos procesos de moldeado mecánicos, cada exemplar da cadeira require un traballo artesanal que supón que, aínda hoxe, a produción non supere os dez exemplares por semana.

Para Fritz Hansen, a ovo converteuse nun símbolo desde os primeiros modelos producidos en 1958. Con motivo do seu cincuenta aniversario lanzou unha serie limitada de exemplares estampados, que mostraban a vixencia do deseño de Jacobsen.

Arne Jacobsen
Arne Jacobsen

Nun percorrido polas iconas do deseño do século XX non poderiamos obviar as achegas de Jacobsen -a cadeira ovo, a Swan ou a Ant– pero talvez excluiriamos as pezas do noruegués Henry Klein. Sen as súas patentes e os seus ensaios con materiais plásticos, con todo, sería imposible concibir unha peza integral e rotunda como a ovo

Pero o recoñecemento chega, a miúdo, para quen intuíu o potencial dunha idea antes que para quen a procreou.

E a historia ten unha memoria fráxil.

George Lazenby sentado en la silla del huevo de Arne Jacobsen con una Kronenbourg
George Lazenby sentado na cadeira do ovo de Arne Jacobsen cunha Kronenbourg

Borja López Cotelo. Doutor arquitecto
A Coruña. xaneiro 2011

Borja López Cotelo

Borja López Cotelo, arquitecto por la ETSAC desde 2007, y doctor por la UdC desde 2013.

follow me

Arquivado en: arquitectos, Borja López Cotelo, capturas, diseño

Tags: , , , , , , , , , , , , , , , , , , , , , , , , , ,